Prográmma birra

Prográmma dohkkehuvvui Eurohpalaš Kommišuvdnas 12 b.juovlamánus 2007.

 

Ruhtajuohkin prográmmii Eurohpalaš guovlluguovdasaš ovdánahttinfoanddas lea sullii 33 milj. evro.

 

Prográmmadokumeanta govvida e.e. makkár ovdánahttinbidjosiidda prošeavttat sáhttet oažžut EO-ruhtadeami. Ulbmil lea ahte guovllu gilvalannákca ja ovttasdoaibma galgá nannejuvvot. Bistevaš ovdáneapmi, dásseárvu, valljodat ja integrašuvdna galget čuovgat čađa visot doaibmabidjosiid ja sámi guovlui gusto maiddái ahte sámegiella galgá leahkit "rukses láigin" buot doaibmabidjosiin mat čađahuvvojit.
 

Sámi guovllus lea dal oktiičadnojuvvon oasseprográmma Interreg IV A Davvi vuolde man namma lea Sápmi. Ii leat šat juhkojuvvon máŋggaid prográmmaide nu got lea leamaš ovdalaš prográmmaáigodagain, dat interregprográmma mii guoská sámiide boahtá eallit ovddosguvlui ja dasalassin gokčat stuorit guovllu.